المقال رقم (2) فى سلسلة افهم تصميمDesign Considerations 2

المقال رقم (2) فى سلسلة افهم تصميمDesign Considerations 2
_________
اتكلمنا سابقا عن موضوع تركيز الاجهادات وهنكلم المرة ديه عن تصميم للتصنيع
Design for manufacturing :
_________
1-عند التصميم لازم ياريس تتجنب انك تعمل تقب على سطح مايل لان ده هيكسر البنطة .
سمعك بتقول طيب ايه الحل وان سطح عندى مايل ولازم اعمل تقب؟؟
الحل انك تخلى البنطة تنزل على سطح افقى شوف الصورة رقم (1).
___________
2-عند التصميم نتجنب اننا نعمل تقب نافذ على سطح مائل عشان لو هتركب مسمار هيبقى صعب تركبله صامولة .طبعا هى ليه حل بس مكلف وصعب وهو انك تميل سطح الداخلى للصامولة بنفس زاوية ميل سطح اللى هتركب عليه. شوف صورة رقم (2).
___________
3-لم تجى تصمم تقب على ارتفاع صغير لازم شفة العرضية X تكون اكبر من نصف قطر التقب وكذلك H تكون اكبر من نصف قطر تقب وشوف الصورة (3) عشان تفهم بنكلم عن ايه 😃.
___________
4-لم تكون عايز فتصميمك ان المسمار ميظهرش ويبقى غاطس جوا الجسم بتعمل counterboring توسيع للتقب اكبر من راس مسمار شوف الصورة رقم (4).
___________
5- عند تصميم external and internal thread لازم اعمل خلوص undercut بين نهاية طول القلاووظ والسطح المقابل له. ليه كلام ده عشان لو مسيبتش الخلوص ده هيحصل ان السنة الاخيرة هتكسر وهتبقى سليمة غير ان عدة تشكيل قلاووظ هتخبط فالسطح المقابل .شوف الصورتين رقم (5و6).
___________
6- عند تصميم خابور keyway وفى سطح مقابل للخابور على نفس الجسم لازم اخد حلوص مسافة X واللى بتتوقف على قطر سكينة الفريزة عشان متخبطش فى سطح ده وشوف الصورة رقم (7) عشان تعرف بنكلم عن اية .
___________
7- عند تصميم سطح هيحتاج للتجليخ لازم اعمل خلوص undercut عندنهايته عشان اثناء التجليخ حجر الجلخ ميخبطش فى سطح مقابل شوف الصورة رقم (8).
____________
8- عند تركيب pin او عمود لازم اعمل توسيع للتقب او chamfer وبعمل كلام ده كدليل لدخول العمود او ممكن ان العمود يرسى عليه وشوف الصورة (9) عشان تعرف بنكلم عن ايه .
___________
9- ممكن عند تركيب مسمار اعمل سطحة زى الصورة (10) عشان تبقى هى ديه بس مساحة اللى ليه درجة تشطيب عالية واوفر فالتشتغيل وشوف صورة رقم (10).
___________
10- لازم اتجنب ال sharp edge عن طريق عمل fillet وده بيساوى نصف قطر قلم الخراطة tip curviture وشوف الصورة رقم (11).
___________
11- قاعدة تجميع سطحين متعامدين ،منقدرش فالتصنيع اننا نركب سطحين متعامدين على بعض شوف صورة رقم (12) .
طب الحل ايه؟؟ الحل ان جزء (1) نعمل فيه chamfer والجزء (2) نعمل فيه fillet ، وممكن اعمل كسر داخلى بقلم الخراطه فالجزء (2) عشان يرسي علية الجزء (1) وشوف الصورة رقم (12).
____________
12- قاعدة تجميع العمود فى التقب فى حالة ان تقب العمود صغيريين:
لازم اعمل chamfe للعمود ،
واكسر سوكة او تخويش للتقب عشان عمود يدخل بسهولة فالتقب وشوف صورة رقم (13).
____________
13- قاعدة تجميع العمود فى التقب فى حالة ان العمود والتقب كبير صورة رقم 14 و 15:
نتجية ان مسافة تلاقى او contact بين سطحين العمود والتقب طويلة L فبتكون صعبة فالتجميع والاسطح بتبوظ اثناء تجميع لطول المشوار .
طب الحل ايه ؟؟؟
فى حلين عندى اولهم انى العب فى العمود واخلى ليه قطريين ليه طول L1 واتحكم فيه وشوف صورة رقم (14) .
او حل تانى انى العب فالتقب من خلال انى اوسعه زى صورة رقم (15).
وميزة العملية ديه ان هعمل تشطيب لسطح تجميع فقط مش كل العمود او التقب وطعبا ده توفير وقت وفلوس.
___________
14- قاعدة تجميع سحطين taper مسلوبيين :
العمود مش لازم اعمله كتف shoulder لان contact بين سطحين هيحصل نتجية ضغط مسلوبيين بواسطة قلاووظ وصاموالة ولازم بداية القلاووظ تكون داخل hub وشوف الصورة رقم (16).
___________
الموضوع سيكتمل فأجراء اخرى بأذن الله
والصور الملحقة بالموضوع من محاضرات التصميم الميكانيكى للدكتور محمد عمر موسى ،ومن كتاب Machining technologies & machine tools
فصل Design for machining.